سجل لأبنائك في الأزهر الشريف
التسجيلِ علي بوابة الأزهر الإلكترونية بداية من
2022/6/1
ابنك هيقرأ في المعهد كل يوم ساعتين قرآن علي الأقل، هيكونوا في ميزان حسناتك وحسناته.
لو دخلت ابنك الأزهر الشريف هيحفظ القرآن الكريم.. بشرط متابعتك له.
لو دخلت ابنك الأزهر، هيقعد في فصل فيه ٣٠ تلميذ تقريبًا، يعني كثافة قليلة في أغلب معاهد الجمهورية.
لو دخلت ابنك الأزهر هيدرس نفس المناهج اللي في التربية و التعليم، بس زيادة القرآن الكريم فقط في الابتدائي.
لو دخلت ابنك الأزهر، هيدرس في الإعدادي فقه، يعني يتعلم الطهارة والصلاة والزكاة، والأزهر دلوقتي خفف المواد الشرعية جدًا، وبسّطها خالص وبكده ابنك هيكون سبب لنفعك ولنفع نفسه في الدنيا والآخرة.
لو دخلت ابنك الأزهر، بعد ما ينتهي من الثانوية لازم يدخل كلية، حتي لو جاب 50% فقط.
الأزهر في الجامعة يتيح لابنك جميع الكليات، العملية، والنظرية، وحتى العسكرية، مسموح لطلاب الأزهر بالتقديم في كلية الشرطة والكلية الحربية والفنية العسكرية، وغيرها.
نصيحة من القلب لكل أب
ادفع بأبنائك للأزهر الشريف
ولا تصدق ما يقولونه عن الأزهر خطأ ابنك في الأزهر نقي تقي بصيغه الدين
الأزهر يعني : مفيش بناطيل مقطعة
الأزهر يعني : مفيش مكياج ولا بنطلونات ضيقة
الأزهر يعني : مفيش زواج عرفي بين الطلبة والطالبات
الأزهر يعني : طالب = راجل بجد
الأزهر يعني : بنت = محتشمه جوهرة بجد
الأزهر يعني : لازم تلاقي في شنطته أو شنطتها مصحف
الأزهر يعني : تكرمه تقوله يا شيخ حتى من وهو طالب في الإبتدائي
الأزهر يعني : عقلية فذة تتحمل أكثر من 22 مادة سنوياً + القرآن .
إفتخر يا أزهرى انت قيمة وقامة
أنت فخر الإسلام والمسلمين .
الأوراق
شهادة الميلاد كمبيوتر
تحسب سن ابنك
فى اول اكتوبر ٢٠٢٢
من ثلاث سنوات ونصف(ستة أشهر) إلى أربع سنوات
سيلحق بالمستوى الأول K1لرياض الاطفال
واربع سنوات ونصف
إلى خمس ونصف
سيلحق بالمستوى الثاني K2لرياض الاطفال
وإذا خرج
من خمس سنوات ونصف إلى تسع سنوات سيلحق بالصف الأول الابتدائي الازهري ولن يقبل أقل من السن المكتوب بمعنى ابنى حضرتك فى أول أكتوبر خمس سنوات وستة أشهر إلا يوم او يومين لن يقبل فى الصف الاول وانما سيتم قبوله برياض الاطفال فقط.
ثانيا
٨صور ٤×٦ مكتوب عليهم الاسم رباعيا من أسفل الصور
وتصور البطاقة القومية لحضرتك ثالثا
هتروح التأمين الصحي أو الصحة المدرسية تستخرج البطاقة الصحيه كامله الدمغات ويتم تصوير الصفحه الداخليه الملصق بها الدمغات عدد ٢ صوره.
رابعا
من البريد بمبلغ ٧٥ جنيها طوابع بريدية وليست دمغات للصقها على الخمسة اظرف على كل ظرف ب١٥ جنيه لإرسالها لحضرتك فى وقت استدعاؤك للحضور إلى المعهد أو إرسال إنذارات غياب لابنك.
خامسا
من اي مكتبة مدرسيه ملف تقديم خاص بالأزهر الشريف والملف بيكون موحد لرياض الاطفال او للمرحلة الابتدائية الازهريه
تملأ البيانات الخاصة
تسجل انت اومن اى مكتبه
اول شهر 6
بإذن الله
وتطبع ورقه بالتسجيل وحاول فى أقرب وقت لأن المعاهد ستسجل العدد التى ستستوعبه فقط واخيرا تأخذ حضرتك الاشياء التى ذكرناها لك وتذهب بها إلى المعهد وتقدمها لهم والمعهد سيعطى لك ورقة تسمى بطلب الالتحاق وعليه صورة ابنك مختومة بختم المعهد وتذهب بها إلى دكتور الصحة المدرسية للكشف عليه واعطاء ختم على الورقة بأنه لائق طبيا وتذهب بها إلى المعهد لاستكمال ملف التقديم و تأخذ الايصال التى سلمت به إلى المعهد.